Ekitabho cha yona

Ekitabho cha

Yona

Obutandikilo

Ekitabho cha Yona tikikususana ne ebitabho ebindi ebya Abalagi

abandi, habwensonga ekitabho kinu ni cho olugani. Kikugana

olugani lwo Omulagia omo ayalolizye kwanga ekilagililo cha

Namuhanga. Namuhanga akamugambila Yona agende Ninawi,

echaliga kili kikale cho obukama buhango obwa Ashuri, omuhate

mukulu wa Israeli.

Nawe kutandika Yona akalozya kwanga kusagala ekigambo cha

Namuhanga, kuba yamanyaga nkanikwo Namuhanga takuhicha

kusingalicha ekikale echo. Nawe kagalobekene amahano hali

wenene niho naikilizya aikikile, namala natitihala kayalozile

kusingalikibwa kwabulaho. Ekitabho kinu kikwolecha obuhicha

bwona obwa Namuhanga habuhangi bwa wenene. Nawe muli

byona ebyo kikwolecha okwo Namuhanga ali we elyenda ne ekisa,

akuhicha kusasila no kukizya abantu naho bali bahate ba abantu

ba wenene, kuleka kubatalika no kubasingalicha.

Emigabo zye Ekitabho

Kwetwa no Kwanga kwa Yona 1:1-17

Kutamwa no Kwelulwa kwa Yona 2:1-10

Obukomelezye bwa Yona muli Ninawi 3:1-10

Ekisa cha Namuhanga muli Ninawi 4:1-11

Yona Nayanga Kuhulila Namuhanga

1

1 Mbe ekigambo cha Yahwe kikaiza hali Yona, omwende

Amitayi nikigamba.

2 “Imuka,bogende Ninawi ekikale

a1:0 Omulagi ni muntu akulagililwa na Namuhanga kugamba ebigambo bya

Namuhanga habantu.

b1:2 “Imuka” ni kuleka echo sanga nokola ogende kukola echo walagililwa.

2022-03-01: BookletYona 1.3 –14

2

ekikumukile obagambile, habwensonga amahano gabo gali mumeso

gange.” 3 Nawe Yona naimuka nailukila Tarashishi,c aluge mumeso

ga Yahwe. Nalengetuka Yafa nabona engama ekuza Tarashishi, mbe

naliha empela, nahanama mungama agende nabo Tarashishi aluge

mumeso ga Yahwe. 4 Nawe Yahwe naleta omuyaga gwe ekihule

munanza, enanza nezurunguka engama nehikila kwenda kwatika.

5 Mbe ababugisya bamwo nibatina, buli muntu nasaba engasani

zya wenene kwo kuyogana, nibanaga empula munanza kukehya

obuzito engama ebone kwelela. Nawe Yona yaliga yalengetukile

mukihinda kumama yanagile gongolo.

6 Mbe omugobi namuzaho namubuzya ati, “Kubaki onagile

gongolo? Sisimuka! Osabe engasani zyawe hamo zikuhicha

kutuhwela tutasingalika.”

7 Mbe ababugisya nibafumolana, “Twibuzye tumanye obubi

bunu bwaletelezibwa naga hali itwe?” Mbe nibebuzya entambala

negwela Yona.

8 Niho nibamugambila bati, “Tukusaba otugambile, iwe

ayatwendelela amabi ganu gatubone, okola mulimoki? Okuluga

hai? Echalo chawe ni chaloki? Oli lugandaki?”

9 Nabasubya ati, “Ine ndi Muebhurania, nkulamya Yahwe,

Namuhanga wo mwigulu, omuhangi we enanza ne ensi.”

10 Niho nibatina koto nibamubuzya, “Wakola igamboki?” Kuba

bakamanya nko okwo yaliga nailuka aluge mumeso ga Yahwe,

habwensonga yaliga yabamanyisizye. 11 Mbe nibamugambila bati,

“Tukukole tuta enanza echulele?” Kuba enanza yagendelelaga

kuzurunguka.

12 Wenene nabagambila ati, “Munkwate muntubizye niho enanza

ekuchulela, kuba nkumanya nkanikwo nine naletelezya ekihule.”

13 Nawe bonene nibabuga kwa amani kusuba hachalo, nawe

bakalemwa kuba ekihule kikagendelela kubatela mubutwe. 14 Mbe

nibamulilila Yahwe nibagamba bati, “Tukusaba Yahwe, tukusaba

tutaza kusingalika habwensonga yo obulame bwo omuntu onu,

waleka kutukwatanisya ne ensagama etali na kiheno, kuba iwe

c1:3 Tarashishi ni chalo ekitakumanyikana, abandi bakugamba bati ni munanza.

2022-03-01: BookletYona 1.15 –17

3

Yahwe wakola nko okwo okwenda.” 15 Mbe nibakwata Yona

nibamwelezya nibamutubizya munanza, enanza nechulela. 16 Mbe

niho abantu abo nibamutina koto Yahwe nibamutambila ekitambo

na nibalaga omulago kukolela Yahwe.

17 Mbe Yahwe nategeka enfwi mpango nemila Yona. Yona naba

munda ye enfwi ejo naku isatu musana na mukilo.

2022-03-01: BookletYona 2.1 –9

4

Esala ya Yona

(Zab 50:14-15)

2

1 Niho Yona nasaba hali Yahwe Namuhanga wa wenene ali

mulubunda lwe enfwi;

2 Nagamba ati:

“Ninkulilila Yahwe, mubinalanazyo byange,

nonitabilwa.

Kulugilila nombed nkasaba kuhwelwa;

Iwe okahulila obulaka bwange.”

3 Habwensonga okanaga mubuziba hantoto ye enanza.

Kuhika mumwoyo gwe enanza.

Kuba amakonzo na amahilimbi gawe gona gakandabaho.

4 Nena ningamba nti,

'Nanagwa hala na ameso gawe.'

Mbe, nkusuba kugilola nta ekelezia yawe etali na biheno?

5Amenzi gakanzongela kuhika mubicha byange,

Entoto nempwelaho,

Olwenge ndwizinga hamutwe gwange.

6 Nindengetuka ifwo ya amabanga,

Na amakingizyo ge nombe nigakingwa enuma yange

kazanende.

Nawe okanelula kuluga mulina.

Yahwe, Namuhanga wange.

7 Hangego yo obulame bwange,

Nkakwizuka iwe Yahwe.

Isaba lyange ndikuhikaho,

Mwikelezia lyawe elitali na biheno.

8 “Abo bakulamya ebisusano ebitali na mulimo,

Bakutagana ne ekisa chabo.

9 Nawe ine kwo olwembo lwe esime

Nkukukolela ekitambo.

d2:2 “Nombe” ni butulo bwa abafu, Mukiebhrania hakweta Sheol abandi

babutabuta bati ni kitulo.

2022-03-01: BookletYona 2.10

5

Echo ndalahila nkukikola.

Obuchunguzi bukuluga hali Yahwe.”

10 Mbe Yahwe nalagilila enfwi ejo niho nemutanaka Yona

hachalo.

2022-03-01: BookletYona 3.1 –10

6

Yona Nahulila Namuhanga

(Mat 12:41)

3

1 Ekigambo cha Yahwe kikaiza hali Yona lwa kabili nikigamba.

2

“Imuka! Ogende Ninawi, ekikale ekikumukile obagambile

ebigambo ebyo ndakulagilila.”

3 Mbe Yona naimuka nagenda

Ninawi, nko okwo ekigambo cha Yahwe chalagilile. Kai Ninawi

chaliga kili kikale kisasile Namuhanga,a zyaendwaga enaku

isatu kukola emilimo zyamwo. 4 Yona yaliga yatahile mukikale

olunaku lwo kutandika, nagamba nkanikwo, “Kazilalabaho enaku

makumi ana Ninawi ekusingalikibwa.” 5 Niho abantu ba Ninawi

nibamwikilizya Namuhanga; nibahama ekisibo, no kuzwala

emyenda zya amagunila kutandikila akumukile na atakumukile.

6 Ekigambo echo nikitamwa nikihika hamukama wa Ninawi,

naimuka kuluga hakitebe che engoma, nazula omwenda gwa

wenene ogwe ekikama, naizweka omwenda gwa amagunila naikala

mwizu. 7 Wena nahama nagambila Ninawi: “Kwe ekilagililo cho

omukama ne endubilizi zya wenene: Omuntu hamo ebitunganwa,

ente hamo ekihyo che enabalega ne embuzi zyaleka kulya ekintu

chona chona, naho kunwa amenzi. 8Abantu ne ebitunganwa

bazwale emyenda zya amagunila no kusaba Namuhanga kwa

amani. Buli muntu aleke emihanda emibi no obunyamuke bwa

buli bucha. 9 Niga akumanya? Namuhanga akuhicha kusuba naleka

ebiniga tutasingalika.”

10 Namuhanga kayalozile ebikolwa byabo, no okwo baleka

emihanda zyabo emibi, naleka ihano elyo yaliga yalamwile

kubasindikila, nabasasila.

a3:3 Kisasile Namuhanga ensonga yamo Namuhanga akalumwa ekikale echo.

2022-03-01: BookletYona 4.1 –11

7

Yona Nabihililwa kuba Namuhanga ali ne ekisa

(Mat 20:15)

4

1

Nawe ekigambo echo nikimubihilizya Yona, nanigahala koto.

2

Yona nasaba Yahwe nagamba ati, “Mm Yahwe tinagambile

ntyo aho naliga nkili munsi yange? Nicho champele olwokutandika

kwilukila Tarashishi. Habwensonga nkamanya nkanikwo iwe

Namuhanga oli mwila, okusasila, tolimwangu we ebiniga, oli ne

ekisa kingi, no oli wo kwitaita amagambo. 3 Mbe hati, Yahwe,

nkusaba onite, hakili kufwa mbuleke obulame bunu.”

4 Yahwe namusubya ati, “Okukola kuzima kubihililwa?”

5 Niho Yona naluga mukikale naza kwikala hansi mubutuluka

bwe ekikale echo. Naiyombekela akahuna naikala mumbeho yako,

nategelela alole ekilakolwa mukikale echo.

6 Mbe niho Yahwe Namuhanga namezya ilandilizi, nalikuzya,

nilikula limuswekelele Yona, nilimuha embeho hamutwe gwa

wenene kumuhozya ekinale. Niho Yona nasemelelwa kubona

omuzabhibhu ogwo. 7 Nawe kabwachele olunaku lwa kabili,

Namuhanga naleta ihuka nililya ilandilizi niliyoma. 8 Izoba

kalyakuzile, Namuhanga naleta omuyaga ogukwomya ebintu, ogwe

enkomezi, izoba nilimwakila Yona hamutwe, nalebelela kukaba.

Nalilila kufwa nagamba ati, “Hakili nafwa mbuleke obulame bunu.”

9 Namuhanga namugambila Yona ati, “Okukola kuzima

kubihilililwa ilandilizi?” Yona nasubya ati, “Yee, nikuzima

kubihililwa kuhikila kufwa.”

10 Yahwe nagamba ati, “Wasaswa ilandilizi elyo otabyele hamo

kulikuzya, elyamezile kilo kimo no kufwa kilo kimo. 11 Hati ine

nimbulwa kusaswa ekikale ekikumukile echa Ninawi, ekilimo

abantu kukilaho bihumbi igana na amakumi abili, abatakusombola

ago omukono omulyo no omumoso, bilimo ne ebitunganwa bingi?”

2022-03-01: Booklet